2018.6.12 是很感謝今晚的相伴

好耐冇見我呢位朋友，佢終於返黎香港啦。。日常未必稱得上Best friend，心底都總有個席位留俾佢。

比我細3年，不快或迷網，聽佢講一輪，聽得好舒服，好鍾意同咁有悟性的人傾計，一言驚醒夢中人，真係唔係個個做到，今晚特別釋懷。

「思考同行動好似呼吸，一呼一吸，行動再思考，思考再行動。」

呢半年，我好似只有不停想，又唔係咩建設性思考，諗到就缺氧。
多謝你一句：「呢個topic冇野講啦嘛，咁就end topic啦，唔需要再講，去做啦 （仆街）。」

不知不覺，原來可以被徹底了解同安慰已經好難好難，尤其愈大真係唔係咩都聽入耳，又或者冇人會咁用心有耐性咁去聆聽同明白自己的感受同掙扎，特別人大了，覺得人人世界好唔同，無謂多費唇舌，要明就會明，信就信，講太多都係哂9氣。

多謝今晚，你終於回港，我見到你自信地做自己，好開心，真的。
我也希望你一直安好，內心一直祝福。