HOSOLAMSOHO

我祝你真的安好。

沉思了好一陣子，我覺得我真的經歷到「大個左啦」的感覺。 呢半年迫自己學習要當機立斷，be a decision maker，迫到自己有d 進步。 但諗返起以前自己好惆悵諗東諗西會苦腦兜圈，不停問人點好點好呀，俾人感覺仲係傻更更，好青春。 而家長大了，係人眼中唔再小朋友，對做野定做人黎講都係好事，但離個個青春傻傻的自己愈來愈遠就係真的。

能夠遇上一首歌單曲循環真的好幸福。 好想每分每秒都聽。

多謝好友芊贈了我一首「和好」 音樂和分享真的很有力量，謝謝，點解我身邊的朋友咁高質😭，跟你們談話已是一種學習。 你知嗎心碎或許可怕 孤單總給醜化 請不要驚訝 別要制止痛苦發芽 只要耐心栽種有天轉化 這美好結果將發生 豔麗盛放的花 我送你這一封信 叫你要更加相信 世界有美好荒誕循環你漸看懂 偶爾放開一點若步履太急進 來呼吸打開心輪 能遇上未可置信 傷痛的你常常被壓破肩膊 其實旅途困難也是某種工作 解脫不了痛苦靈魂便好學 誰亦要渡過迷惘才會進化知覺 你知嗎心碎或許可怕 孤單總給醜化 請不要驚訝 別要制止痛苦發芽 只要耐心栽種有天轉化 這美好結果將發生 豔麗盛放的花 我送你這一封信 叫你要更加相信 世界有美好荒誕循環你漸看懂 偶爾放開一點若步履太急進 隨時呼吸打開心輪 能遇上未可置信 我與你吸氣 同與你也呼氣 而我於這裡總會願意等一天來到 和好 我送你這一封信 叫你要更加相信 世界有美好只要擁抱你便看懂 偶爾放開一點若步履太急進 來呼吸打開心輪 成就你未可置信

好開心見到開心果張芊芊，佢咩都笑一餐，真係令我望住佢笑都笑埋一份。 一起負負得正真好。一齊keep busy，一齊嘗試。 天氣今日變好，心情亦然。 :) 耐心靜候並期待新機會同改變, I have my own clock, and don't rush and mess things.

多謝那一位，曾經說憑我IG就知我蹤影。 雖然那刻我有多麼不爽，但真令我思考我當時在過一個怎樣的生活， 就係過一個為讓人看見的social life (?) 起碼這刻，我更投入每一刻，拿手機去拍下再post那刻的時間省了（當然間中記錄仍有需要），就很純粹用腦把那刻真實的記下。

When something really sucks - try hard, not too hard.

內心之強大，並唔係源自咩好神聖既理由，一直給自己打氣、灌心靈雞湯係有其作用。 好似你不停笑笑笑，就算fake出黎，都騙到大腦神經，弄假成真 — 你是快樂的。 做個正面撚，心態決定境界。

夢想，我想做Xxx.. 我要做Yyy，不一定全力爭取一科拎A，可以科科平均拎個B。 記著有光譜，不一定去到最盡才是正確、有型。

如題，永遠冇錯，you needa play smart in this world. 請謹記。

林一峰就是一把提醒你不要留在香港的聲音—出走吧。 離開是為了回來、重回布拉格⋯ 好似唔應該留低，把心一橫Quit 9左份工去任性？ 很想很想，發夢中。努力一下再賞勵自己，只昐自己不要遺忘個份痴9線咩都亂試既心，出走之時記得仍要放得開。

最好的尚未來臨，每天應期待更好，更好。 是因為靠著這份相信，一定會更好的。

今日睇新聞，真的很無言，現實到底要幾殘酷，先可以令一個人活著都感到累。 真的不會相信咩諗開d，凡事總可以解決，因為當你感到絕望，真的不可能靠自己熬過來，熬過來需要很多很多的勇氣同堅定，對於正絕望的人來講，熬過來很難，放棄了，都只能說句，你已經盡力了，已經很好。 現實裡好多事整定就係整定，總有些事是一輩子都擺脫不了，有些結永遠解不開，是真的。 現實就是殘忍，殘忍得令人這樣無奈... 真的，沒有誰對誰錯了，多麼難接受，終究也是一個解脫。 可以的話，盡量為身邊帶多點愛或關心，至少盡些少綿力希望帶來一點好改變，可能就是你一句支持認同就默默扭轉了一個人的一生。

在文字的記錄格式，表達感受上來更真實赤裸。 就算文筆差得可憐，起碼我手真的在寫我心。好彩google 仲有呢個平台俾我9寫。 日記懶得寫落簿了

世界很小的時候，一個會考都可以令自己塌下來。 慢慢長大，應該明白失望可能就是一種成全，成全以後更好的日子，今次不行，下次可能就好了（？） 睇化、看得開，都係成長的經歷。  心痛總會心痛，但時間會治癒所有傷痕，因為傷痕再不會真的那麼深。

其實最後都會係一個人走來。 自己以外的事看輕，淡然面對就好，自己當然還需要執著。

救命，呢個星期d 荷爾蒙痴9左線，抑鬱到我。。 終於完啦，黎緊個星期會更好，會充實的😤😤😤

諗返起前腦細雖然嬲撚到仆街，但諗返起最後一次係佢房時，反左全程白眼但有段話令我記得好清楚，就算佢講個刻未必係為我好，都係巡例勸勉，原來到呢刻，係我做野時諗起會改變我處理每件事既心態。 其實就係好簡單一句：你要記住，去到邊，你要係人地既角度去望自己，為人諗多一步諗得更遠，你係要方便人地，每個細節都應該要企係對方角度諗。 呢句野真係而家時不時都浮係我腦海，真係一個好好既提醒，唔理做得好定差，至少為人諗多一步，就係咁逐少逐少去build trust。 仆街腦細唯一可賞之處。

明知聽會blue，仲要落雨，還是要聽。 開始覺得人不止尋開心，間中傷感應該都係必要。 對比開心時刻， 傷感感覺更入心，讓自己知道還能感覺，不至於淪落到再冇情緒高低起伏，千其唔好真係唔好。

聽到SUP9 moment的歌，我竟會感到無奈。 唔係關咩夢唔夢想事，而係令我想起三四年前，係中大OCAMP係第一次聽，呢刻聽著呢首歌，呢刻的自己再回望那時的自己，感覺隨音樂一下子返返黎，多真實，又其實多遠。 唔係覺得以前總是好，但有D歌聽返唔係灰，但就係無奈，三分鐘聽完，夠LU。

好耐冇見我呢位朋友，佢終於返黎香港啦。。日常未必稱得上Best friend，心底都總有個席位留俾佢。 比我細3年，不快或迷網，聽佢講一輪，聽得好舒服，好鍾意同咁有悟性的人傾計，一言驚醒夢中人，真係唔係個個做到，今晚特別釋懷。 「思考同行動好似呼吸，一呼一吸，行動再思考，思考再行動。」 呢半年，我好似只有不停想，又唔係咩建設性思考，諗到就缺氧。 多謝你一句：「呢個topic冇野講啦嘛，咁就end topic啦，唔需要再講，去做啦 （仆街）。」 不知不覺，原來可以被徹底了解同安慰已經好難好難，尤其愈大真係唔係咩都聽入耳，又或者冇人會咁用心有耐性咁去聆聽同明白自己的感受同掙扎，特別人大了，覺得人人世界好唔同，無謂多費唇舌，要明就會明，信就信，講太多都係哂9氣。 多謝今晚，你終於回港，我見到你自信地做自己，好開心，真的。 我也希望你一直安好，內心一直祝福。